الشاعرة Hanan ElAgamy / آه من القمر

الشاعرة Hanan ElAgamy

بقلمى

/حنان العجمى

باللغة العامية

" آه من القمر"

آه من القمر ونور القمر

دا حُب أَدْ حُب الشمس لطلوع القمر

تِدَّارَى مكسوفة من السَّهَر

تِعمِل نعسانة للصُبح وهيَّ مِتْخَبِّيَّة وَرَا سَحابِة دَفا نور القمر

يا ليالى ليالى عايشَة بخيالى

قُلت ما هَقدَر اتحَمِّل لَكِنُّه

قَدَر وقَدَر

دا فى الدُنيا؟

ولَّا فى الجنة

أرواح لملايكة مِشْ بَشَر

دا شىء سامى راقى عالى

فى قلوب من نور بأمر القدر

دا ربِّنا بِيأَلِّف القلوب قلب

على قلب بإرادتُه إئتمَر الله على نور القمر....دا قلبَها جُوَّاها ولَّا حِتَّة

من قلب القمر

دا جمال ربَّانى مِشْ رسم اترسَم بإيد بَشر

يا نور على نور

إتوَحَّد فى كوكب دُرِّى فى سما القدر

دِى سعادة ربنا كتبها ولَّا درس يتعلمُه البشر

دا حرير اتنَسَج بشُعاع نور

ولَّا ندَى على أوراق الشجر

ولَّا سما وسحاب نَزِّل مطر

سَقَى الزهر وعروق الشجر

ونحل شرب

من الزَهر وسَكَر

مَلَا الشجر أنهار عسل

دا نهر العسل

فى الجنة

وعروسة من الحور العين مَلِت كاسها بِقَدَر

آه وآه من القمر

ونور القمر

دا طِير طايِر

فى الفلك سابِح حُر وجانِح بجناحُه يغطى نور القمر

آه من القمر ونور القمر

دا بيت شِعر لشاعر

دى قصة لكاتب

واصِف لشمس وقمر آه وآه

من القمر ونور القمر

حنان العجمى#